MONUMENTA 2016
Monumenta, andar con arte é un programa de actividades culturais, organizadas pola Consellería de Cultura e Turismo, que se desenvolve ao redor da acción de camiñar e da experiencia da andaina como a mellor e a máis antiga das maneiras de explorar e de vivir o territorio.
Con este novo horizonte, Monumenta avanza un paso máis á hora de mostrar, difundir e contar o noso patrimonio material —igrexas, castros e outros monumentos e lugares históricos— desde as achegas do patrimonio inmaterial, que é a raíz do seu significado.
O camiñar, como o respirar, revestiu de contido os nosos carreiros ao longo da historia, para configurar a paisaxe, os nosos relatos e vivencias. Co saber dos camiñantes convidados, Monumenta achega outra mirada aos nosos camiños, nos que se erguen os edificios históricos relixiosos ou as primeiras instalacións da Revolución Industrial. Convidados expertos en diferentes áreas como a arquitectura, a arqueoloxía, a xeografía, a xeoloxía ou a arte, axudarannos a entender outras particularidades e valores dos diversos aspectos do patrimonio material e inmaterial de Galicia.
Con este ciclo de andainas, a Consellería de Cultura, Educación e Ordenación Universitaria da Xunta de Galicia achégalle á cidadanía unha experiencia diferente de vivir e sentir o noso patrimonio, relacionando cada edificio co territorio e coa súa singularidade cultural e paisaxística.
PDF Programación 2016
ANDAINAS 2016
| Desembarco no Castelo de San Felipe, Ferrol, A Coruña | Patrimonio industrial dos vales do Ulla-Umia en Caldas de Reis, Pontevedra | A Fonsagrada e as terras de Burón, A Fonsagrada, Lugo | Patrimonio industrial e xeoloxía na Ribeira Sacra, Parada de Sil, Ourense | Contos de fronteira e contrabanado na Vía Nova de Bande e Rairiz de Veiga, Ourense | Camiños do sal: Patrimonio histórico e Rede Natura nas Salinas do Ulló, Vilaboa, Pontevdera | O Miño: A raia da amizade, Tomiño, Pontevedra| A conexión de Monforte con Castela e Nápoles no Século XVI, Monforte de Lemos, Lugo.
