MONUMENTA 2015

Con este ciclo, a Consellería de Cultura, Educación e Ordenación Universitaria da Xunta de Galicia achégalle á cidadanía unha experiencia diferente de vivir e sentir o noso patrimonio relacionando cada edificio co territorio e coa súa singularidade paisaxística.

Especialistas en diferentes áreas como a arquitectura, a arqueoloxía, a astronomía, a xeografía, o urbanismo ou a arte axudarannos a entender outras particularidades e valores dos diversos aspectos do patrimonio material e inmaterial de Galicia. E os músicos serán, ao final do día, os que reconvertan o universo sonoro de cada un destes espazos.